Hoje é um grande dia para o mundo do software livre na Galiza: Mancomún libera araOS para Ubuntu

Hoxe é un gran día para o mundo do software libre na Galiza. Despois dun longo tempo de traballo conxunto coa comunidade galega do software libre, xa se atopa dispoñíbel para a súa descarga a adaptación de Ubuntu GNU/Linux do araOS, o metapaquete desenvolvido enteiramente por Mancomún.

Para facilitar a súa instalación, ponse a disposición pública un servidor FTP dende o que iremos fornecendo as actualizacións necesarias desta adaptación. O araOS pode probarse descargando a ISO do CD Vivo ou ben instalando os paquetes nunha Ubuntu xa instalada, o que se pode facer consultando a guía de uso do repositorio que se acaba de publicar.

Existen en produción tres adaptacións do araOS, actualmente en funcionamento en dúas oficinas da Xunta: a da Rede de Dinamización da Sociedade da Información , e a da Oficina Técnica do PEGSI , ambas dependentes da Consellaría de Innovación e Industria, ao igual que Galinux, adaptación do araOS que fora anunciada xa en outubro.

Nos próximos meses continuaremos co desenvolvemento do araOS, seguindo o calendario de liberación de Ubuntu, e apoiando no seu caso as iniciativas que xurdan para mellorar o araOS ou portalo a outras distribucións.

Dende Mancomún queremos agradecer todo o apoio recibido tanto por parte da Dirección Xeral de Promoción Industrial e da Sociedade da Información, departamento da Consellaría de Innovación e Industria dirixido por Helena Veiguela, como por parte dos distintos axentes que colaboran neste proxecto: a FFCIDTG , o CESGA , as tres Universidades galegas e por suposto as asociacións de software libre e á comunidade galega de tradución de softwarelibre ao galego sen a que este proxecto non sería posíbel.

En particular, queremos destacar a achega do grupo de tradución ao galego de Ubuntu e a dúas persoas en concreto: Tomás Vilariño e Manuel "Rubio" que puxeron a andar este proxecto na súa fase máis temperá.

Fonte: http://www.mancomun.org/
___________

--> Ler máis...[+]

Como descargar vídeos de YouTube desde GNU/Linux

Existen dous programas principais á hora de descargar vídeos de YouTube en Linux: youtube-dl para a consola e Pytube para contornas gráficas

Youtube-dl é máis sinxelo de instalar, xa que se atopa nos repositorios de Ubuntu. sudo aptitude install youtube-dl

O seu uso tamén é moi sinxelo. Para descargar un vídeo de YouTube basta pasarlle como argumento a URL do vídeo. youtube-dl http://es.youtube.com/watch?v=A41zYYOe4Do

Tamén é posible descargar vídeos que requiran de nome de usuario e contraseña, como os que están marcados como contido para adultos, utilizando os flags -ou e -p: youtube-dl -u usuario -p contraseña http://es.youtube.com/watch?v=A41zYYOe4Do

Para instalar Pytube descargamos o paquete deb da aplicación e instalámolo facendo dobre clic sobre el. Pytube instalarase en Aplicacións -> Son e vídeo -> PyTube Multimedia Converter.


Ao executalo atoparémonos con opcións para baixar vídeos de Youtube (Download vídeos), onde só teremos que engadir unha a unha os vídeos a descargar pulsando Engadir; codificar os vídeos descargados para convertelos a outros formatos (Encode vídeos), buscar vídeos desde unha interfaz propia (Search), aplicar efectos aos vídeos, como engadir audio a un vídeo sen son, xerar un ton para móbil a partir dun vídeo, unir varios vídeos, cambiar o seu tamaño ou rotalos (Multimedia tools) e, para rematar, comprobar a información dun usuario (Profiles).

Fontes: somoslibres.org e Meneame
________________

--> Ler máis...[+]